ПСЖ мен НФЛ Париждегі матчқа Nike джерсиін шығарды
Екі джерсидің әрқайсысы €210 тұрады, олар ПСЖ дүкендерінде және НФЛ-дің еуропалық дүкенінде сатылып жатыр.
Фото: Paris Saint-Germain
«Пари Сен-Жермен» мен АҚШ-тың Ұлттық футбол лигасы Nike жасаған екі бірлескен джерси шығарды. Олар НФЛ тұрақты чемпионатындағы «Нью-Орлеан Сэйнтс» пен «Питтсбург Стилерз» матчына арналған. Ойын 25 қазанда, жексенбі күні «Стад де Франс» стадионында өтеді, сол күні ПСЖ да ойнайды.
Екі нұсқа
- Корольдік көк — қызыл жаға, жеңінде клуб елтаңбасы. Алдында 75 нөмірінің үстінде PSG деген жазу, артында 75 нөмірінің астында Paris сөзі бар.
- Қызыл-қоңыр — алтын түсті бөлшектер, 75 нөмірі, геральдикалық лалагүлдер мен Эйфель мұнарасының сұлбасы.
75 — Париждің француз департаменті ретіндегі нөмірі, қаланың пошта индекстері де осы сандардан басталады. Сондықтан екі джерси де белгілі бір команданың формасынан гөрі қалалық мерчке көбірек ұқсайды. Америкалық футбол пішімі ПСЖ-ның түстері мен нышандарымен үйлескен, ал клуб өзін тек футбол командасы емес, сән бренді ретінде де бұрыннан дамытып келеді.
Әр джерсидің бағасы — €210. Олар ПСЖ-ның ресми дүкендерінде, соның ішінде онлайн дүкенде, сондай-ақ NFL Shop Europe мен НФЛ-дің Париждегі дүкенінде сатылып жатыр.
«Париж әрқашан спорт пен сән тоғысатын қала болған», — деді клубтың табыс жөніндегі директоры Ричард Хизелгрейв. Оның айтуынша, ПСЖ НФЛ-ді қабылдайтынын мақтан тұтады.
Джерси клуб пен лиганың матч төңірегінде өткізетін аптасының бір бөлігі. ПСЖ мәліметінше, оған эксклюзивті коллекция, арнайы жазылған музыкалық трек және француз астанасындағы жаңа іс-шаралар кіреді. Қазақстанда сатылатыны туралы бренд хабарламады.
Дереккөздер: Hypebeast — ПСЖ мен НФЛ-дің бірлескен джерсиі
