Jordan Brand қоңыр Air Jordan 12 және 3 «Fireside» көрсетті
Air Jordan 3 жұбына қосалқы бозғылт қызғылт бау салынады, ал фирмалық «піл терісі» өрнегі әдеттегі сұр емес, қоңыр түске боялған.
Фото: Nike
Jordan Brand жылы қоңыр түстегі екі күзгі релиздің ресми суреттерін жариялады. Бұлар — бірдей «Fireside» деп аталған Air Jordan 12 және Air Jordan 3. Он екінші үлгі 24 қазанда $215-ке, үшінші үлгі 30 қазанда $205-ке шығады. Екі жұп та Nike сайтында сатылады.
Air Jordan 12 «Fireside»
CT8013-105 үлгісі Light Orewood Brown/Cacao Wow-Team Red түсінде шықты. Беті түгелге жуық кремді былғарыдан жасалған. Ал қою қоңыр түс мадгардты, яғни табанды бойлай өтетін қорғаныш жолақты және жұптың төменгі бөлігін жауып тұр.
Бау тесіктері қоңыр металдан жасалған, өкшедегі ілгек ақ, табан ортасында контраст супинатор пластинасы бар. Ресми анонсқа дейін жұпты «Eggnog» деп атап жүрген. Ол балалар өлшемінен бастап ересектерге дейінгі барлық өлшемде шығады.
Hypebeast жаңа үлгінің 2024 жылғы SoleFly x Air Jordan 12-ге ұқсайтынын айтады. Алайда «Fireside»-тың беті ашықтау, асты қоюлау, сондықтан бұл — жеке релиз.
Air Jordan 3 «Fireside»
Үшінші үлгі (CK9246-200) Velvet Brown/Light British Tan-Rust Pink-Pearl White түсін алды. Негізгі бөліктері мыжылған былғарыдан, ал тілшесі, жағасы мен бау аймағы күдеріден тігілген. Тұмсығы мен өкшесіндегі фирмалық «піл терісі» өрнегі әдеттегі сұр емес, қоңыр реңкте.
Тілшесі мен өкшесіндегі Jumpman логотиптері баумен үйлес інжу-ақ түсті. Қорабына қосалқы бозғылт қызғылт бау салынады. Аралық табаны қою қоңыр, ал астында ашық қоңыр gum резеңкесі бар.
Air Jordan 12 «Fireside» 24 қазанда, Air Jordan 3 30 қазанда сатылымға шығады. Екі жұптың Қазақстанда сатылатыны туралы Nike хабарламады.
Дереккөздер: Hypebeast — Air Jordan 12 «Fireside» туралы, Hypebeast — Air Jordan 3 «Fireside» туралы
