Грета Гервигтің «Нарниясы» PG рейтингін алды
Netflix фильмдерінің ішінде платформаға дейін кинотеатрларда мұндай кең көрсетілетіні әзірге болмаған.
Фото: Netflix / JoBlo
Америка кино қауымдастығы MPA Грета Гервигтің «Нарния: Сиқыршының жиені» фильміне PG рейтингін берді. Яғни балалар фильмді ата-анасымен бірге көргені жөн. Рейтингке тақырыптық элементтер, фэнтези экшені, дөрекі сөздер, қысқа зорлық көріністері мен темекі шегу себеп болды. Бұл туралы JoBlo жазды.
Нарния туралы бұрынғы үш көркем фильм де дәл осындай баға алған. Сондықтан Клайв Льюис кітабының жаңа экранизациясы да алдыңғы трилогия сияқты отбасылық кино болып қалады.
Netflix пен IMAX фильмді 2027 жылдың басында кинотеатрларға шығарады. IMAX залдарындағы алдын ала көрсетілімдер 10 ақпанда басталады. Екі күннен кейін фильм әлемдік кең прокатқа шығады. Netflix платформасында «Нарния» 2027 жылғы 2 сәуірде пайда болады. JoBlo дерегінше, Netflix фильмдерінің ешқайсысы кинода бұлай кең көрсетілмеген.
Премьера бастапқыда ертерек жоспарланған еді. IMAX өкілінің айтуынша, 2027 жылға ауыстыру «Нарнияға» толыққанды кинотеатр терезесі бар кең прокат беруге мүмкіндік берді.
Асланды Мэрил Стрип дыбыстайды, фильмде Дэниел Крейг пен Эмма Макки де ойнайды. Stairway to Heaven әніне құрылған алғашқы трейлер туралы қазанда жазған едік.
Дереккөздер: JoBlo — «Нарнияның» PG рейтингі мен шығу күндері
