BMW көліктері 2027 жылдан қалада өздігінен жүреді
Қажетті жабдық iX3, iX4, жаңа X5 пен 3 Series көліктерінде бар, ал функцияларды бағдарламаны қашықтан жаңартып қосады, бұл ақылы жазылым болуы да мүмкін.
Фото: BMW
BMW 2027 жылдан бастап Symbiotic Drive көмекшісін қала көшелеріне де шығарады. Көлік қиылыс пен айналма жолдан өздігінен өтетін болады. Алдымен бұл Германияда іске қосылады, кейін басқа елдерге жетеді.
Жаңа функциялар BMW Maps навигациясы қосулы кезде жұмыс істейді. Жүйе қала ішінде жолақ ауыстырады, жол береді, айналмадан өтеді. Алайда жүргізуші рөлден босамайды. SAE жіктемесі бойынша бұл екінші деңгей, яғни жолды бәрібір адам бақылап отыруы керек.
Қай көліктер алады
Қажетті жабдық iX3, iX4, жаңа X5, жаңа 3 Series және жаңартылған 7 Series көліктерінде бар. Функцияларды бағдарламаны қашықтан жаңарту арқылы қосады. Carscoops бұл қызмет ақылы, тіпті айлық жазылым болуы мүмкін дейді, бірақ BMW мұны тікелей растаған жоқ. Компания бағасын да әлі атамады.
Ford BlueCruise пен GM Super Cruise те осы екінші деңгейде жұмыс істейді. BMW мен Mercedes бұрын үшінші деңгейді ұсынған, бірақ лидар қымбат, сұраныс әлсіз болғандықтан, одан уақытша бас тартты. Ал Volkswagen Қытайда L3 жүйесін сынап жатыр, алғашқы осындай көліктерді клиенттерге 2027 жылдың екінші жартысында бермек.
BMW-дің жаңа функциялары Қазақстанға қашан келетіні туралы ресми хабарланған жоқ.
Дереккөздер: Carscoops — BMW-дің қалалық көмекшісі туралы
