БАҚ: Samsung Galaxy A шығарылымын 20%-ға азайтады
Жылдық есеппен бұл шамамен 10 млн смартфон, ал ETNews мәліметінше, 2027 жылы желі тағы 10%-дан астам қысқарады.
Фото: 9to5Google
Samsung 2026 жылдың төртінші тоқсанында арзан және орта деңгейлі Galaxy A смартфондарының шығарылымын шамамен 20%-ға азайтады. Бұл туралы кореялық ETNews басылымы хабарлады, ал оның деректерін 9to5Google келтірді. Жылдық есеппен бұл шамамен 10 млн құрылғы.
ETNews мәліметінше, төртінші тоқсанда Galaxy A-ға арналған бөлшектерге тапсырыс жыл басындағы жоспармен салыстырғанда шамамен 20%-ға төмендеді. Басылым жазуынша, 2027 жылы желі өндірісі тағы 10%-дан астам қысқарады. Нақты модельдер аталмаған.
Жад пайданы жеп жатыр
Басты себеп — бөлшектердің қымбаттауы. Орта деңгейлі смартфонның өзіндік құнының жартысына жуығы енді жад пен процессорға кетеді. Мұндай модельдерден Samsung-тың табысы азайып барады. Сондықтан компания ресурсын көбірек пайда әкелетін қымбат флагмандарға ауыстырып жатыр.
ETNews сондай-ақ Samsung-тың MX мобильді бөлімшесі биыл шығынмен жұмыс істеп отыр деп жазады. 9to5Google бұл шешімді «рамагеддонмен» байланыстырады. Салада жедел жад бағасының күрт өсуін осылай атайды.
Galaxy A смартфондары Қазақстанда да сатылады. Қысқарту қазақстандық дүкендердегі таңдау мен бағаға қалай әсер ететінін компания хабарлаған жоқ. Samsung жад өндірісін де өзгертіп жатыр: бұған дейін компания Nvidia үшін жадтың негізін TSMC-ге тапсырады деген дерек шыққан.
Дереккөздер: 9to5Google — ETNews деректері бойынша Galaxy A шығарылымының қысқаруы
