«Бавария» жаңа келген «Викингті» ұта алмады
Норвегия клубы Чемпиондар лигасының негізгі кезеңінде алғаш ойнап жүр және алғашқы ұпайын дәл мюнхендіктерден алды.
Фото: Sports.kz
«Бавария» Чемпиондар лигасы жалпы кезеңінің екінші турында Ставангерде норвегиялық «Викингпен» 3:3 есебімен тең ойнады. Мюнхендіктер 0:2 есебінен кейін есепті қайтарып, алға да шықты. Алайда соңында он адаммен қалып, 90-минутта гол жіберді.
Қожайындар матчты екінші минутта-ақ голмен бастады, оны Стенснесс соқты. 38-минутта Петер Кристиансен «Викингтің» артықшылығын екі есе арттырды. Сөйтіп, командалар үзіліске 2:0 есебімен кетті.
Үзілістен кейін «Бавария» 17 минутта ойынның бетін бұрды. Гарри Кейн алдымен 54-минутта пенальтиді орындады, ал алты минуттан соң дубль жасады. 71-минутта Луис Диас қонақтарды алға шығарды. Екі минуттан кейін Майкл Олисе екінші сары қағаз алып, алаңнан қуылды.
Он адаммен қалған мюнхендіктер артықшылықты сақтай алмады. 90-минутта Герман Хауген есепті теңестірді. Бұл ұпай «Викинг» үшін Чемпиондар лигасының негізгі кезеңіндегі тарихи алғашқы ұпай болды.
Екі турдан кейін «Баварияның» төрт ұпайы бар. Олисе қуылғаны себепті команданың турнирдегі келесі матчын өткізіп алады.
Дереккөздер: Sports.kz — «Викинг» — «Бавария» матчының есебі
